Naskah Drama Komedi : Dogol & Jelita (Versi Jawa)

   A. Lakon

1.     

   Putri Jelita                  : watak lakune alus, praenane ayu, apik jroning ati

   

   Ratu Prameswari       : Praenane ayu, sabar, wicaksana.

3 

   Dogol                          : praenane elek nggegirisi, gegere bungkuk, lembah manah, seneng tetulung.

4 

   Pangeran Komeng   : Sombong, gampang nesu lan grusa-grusu, suara cempreng.

5  

      Dayang                      : Sabar, senengane latah

    B. Kisah

Babak I

Kocap kacarita ing sakwijining dino, ing sak wijining kerajaan kang gemah ripah loh jinawi, ono putri sing lagi “GALAU” atine amerga dijodho-ake karo Pangeran kang dudu priyo pepujaning atine.

Dayang          : Duh kanjeng putri kang ayu moblong-moblong, ono opo kok panjenengan sajak merengut suntrut koyo ngono iku. ( sinambi mijeti pundake sang putri).

Putri Jelita      : Hu...hu...hu... aku lagi galau, mbok....!!!

Dayang          : ( karo ngowoh ) Lho....!!!! ana apa maneh kanjeng putri?

Putri Jelita      : Aku emoh yen kudu sesandingan karo Pangeran Komeng sing gedhe ndase iku mbok… hu...hu...hu.... ( Sambil membanting Hp - nya ).

Dayang          : ( Kaget karo latah ) Eeehhh....copot - copot....bebek eh bebek... eh maksud inyong BB ancurrr!!!!!

Ujug-ujug regol taman ditotok-totok lan keprungu suara saka njaban regol.

Pangeran Komeng   : ( suara cemprengnya ) Assalamu'alaikumm....!!!!

Putri Jelita & Dayang : Wa'alaikum Salamm!!!

Pangeran Komeng   : Aku oleh mlebu opo ora  iki yooo…?

Putri Jelita & Dayang : ora oleh !!!!!

Pangeran komeng : Aku mekso wae ahhhh ! (sinambi mlumpak regol )

Dayang : Oalaah....dasar Pangeran Gemblung!

Putri Jelita : Mbok aku mlayu wae yooo…. !!!! ( karo mlayu )

Pangeran Komeng sumadya nguber playune Putri Jelita, nanging Dayang kanthi trengginas ngadepi lan ngadang-ngadangi Pangeran Komeng.

Dayang : Ora oleh…!!!!! wek....wek....

Pangeran Komeng : Trus aku njengking lan ngomong “WOOOOWWW ngono tha?

Akhire Pangeran Komeng nyurung Dayang nganti tiba lan terus nguber playune Putri Jelita.

Babak II

Ing pinggir gung liwang-liwung.....

Putri Jelita      : Oh... tekan iki…?? Sepi mamring… ora ono sapa-sapa…

Si Dogol         : Waduh… ngimpi apa aku mau bengi yo…yo... lha kok aku saiki ketemu widodari sing ayune uleng-ulengan koyo ngene iki… ( sinambi nembang )  hey widodari… mudhun saka swargo neng ngarepanku… Eee…aaaa….

Putri Jelita      : Sopo kowe ? Aku Jelita....

Si Dogol         : jenengku Dogol....rumahku cedhak kene, kok! Neng ndesa ngisor kono lhooo…( karo nuding .... )

Putri Jelita      : Oleh opo ora yen aku nunut leren neng omahmu? aku kesel banget...

Si Dogol         : Oh aku seneng banget lho Jelita...  nanging yen oleh ngerti… ngopo kok slirne nganti kedlarang-dlarang nganti tekan kene duh wong ayu..??

Putri Jelita      : Aku diuber-uber uwong, akhire aku nganti kesasar tekan kene…

Si Dogol         : Oh ngono tha critane? Waahh…jan mbebayani tenan lho yen Kenya sing ayune koyo slirane ngene, mlaku ijenan neng panggonan sing sepi koyo ngene iki…

Pungkasane Si Dogol lan Putri Jelita samsaya akrab lan ketaman asmara.

Babak III

Sauntara iku, ing kerajaan… kanjeng Ibu Ratu Prameswari lagi gerah penggalihe… amarga sang Putri kang banget ditresnani lunga ora ngerti parane…

Ratu Prameswari      : Putriku.... ( sinambi nembang lagune Ayu TingTing ) “neng ngendi… neng ngendi… neng ngendi…?? Anakku saiki neng ngendi..?? “

Neng ngendi yo anakku, wis seminggu kok ora ono kabare. Ditelepon ora diangkat, di sms ora dibales… (karo mbanting HP). Dicek neng twitter karo facebook yo ora tau “update status” .

Mulai saiki aku gawe sayembara; sapa wae sing bisa nemoake putriku, yen wadon tak pek sedulur sinarawedi, yen lanang tak pek mantu… tak nikahake karo anakku si Jelita.

Dayang          : Wah.... kula setuju, Boss!!!!

Ora let suwe, Pangeran Komeng teka…

Pangeran Komeng  : .......mati aku! ( ethok-ethok semaput )

Dayang           : ( ngorek-orek raine Pangeran Komeng nganggo benges/lipstic ) Rasakno yooo!!

Babak IV

Ora suwe, ora dinyana-nyana… Si Dogol karo Putri Jelita teka…


Si Dogol         : Ngaturaken agunging pangapunten kanjeng Ratu, dalem nderekaken kondur Kanjeng Putri Jelita… dalem menggihaken ing sak lebetipun alas gung liwang-liwung ….

Ratu Prameswari : ....( mlongoh....) duh gusti… opo iki calon mantuku…. 

Putri Jelita      : Nanging kula tresno kalian Dogol Kanjeng Ibu… Sanadyan awon praenanipun… nanging Dogol punika sae ing manah Kanjeng Ibu…

Pangeran Komeng : ( nembang ) Patah hatiku jadinya....merana...berputus asa....

Ratu    Prameswari : Yo wis lah…Yen pancen wis padha tresnane… tak pangestoni nduk… anakku sing ayu…

Putri Jelita      : Matur nuwun kanjeng ibu…

Sak nalika, Si Dogol malih rupa… dadi bagus rupane… jebul Si Dogol iku pancen sak temene Pangeran kang lagi kena sihir. Sihir iku bakal cawar lan sirna yen ana Kenya kang iso nresnani kanti tulus… ikhlas… apa anane….

Oleh : Listiyaningsih Firmanto